Շինանյութի խանութի օրինակ։

Օնլայն հաշվիչների տեղադրումը կայքում թույլ է տալիս բարձրացնել հաճախորդների ներգրավածությունը. եթե շինանյութի խանութի կայքում լինի անհրաժեշտ նյութերը հաշավարկելու բաժին, ապա ամենայն հավանականությամբ շինարարը պատվեր կիրականացնի հենց այդ ընկերությունից։ Իհարկե, պայմանով, որ արժեքն ու առաքումը հարմար լինի:

Առցանց հաշվիչները հատկապես օգտակար են վարպետների և արհեստավորների համար. Նրանք ավելի շատ են մեծածախ գնում կատարում, քան այլ հաճախորդները:

Խանութի շուրջ մասնագիտական համայնք ստեղծելու համար հարկավոր է ստեղծել հավատարմության ծրագիր, ինչպես նաև հաճախորդներին տրամադրել ծառայություններ, որոնք կօգնեն նրանց իրենց աշխատանքի ընթացքում: Օնլայն հաշվիչը նման ծառայություններից մեկն է:

Ինչո՞վ են օգտակար օնլայն հաշվիչները

Առցանց կարգավորումը շատ ծառայությունների հիմքում է: Yandex.Taxi-ի և UTaxi-ի ծրագրերը նույնպես հաշվիչով են: Պատվիրատուն մուտքագրում է միայն մեկնարկային և ավարտական հասցեն, իսկ ծառայությունը նախագծում է օպտիմալ երթուղին և հաշվարկում գինը` հաշվի առնելով երթուղին, խցանումները և վարորդների քանակը:

Տաքսիի դեպքում հաշվիչը վերածվում է պատվերի, քանի որ այստեղ հաճախորդի նպատակը սպասարկող մեքենա կանչելն է, այլ ոչ թե հաշվարկ ստանալը։

Երբ հաճախորդը հետաքրքրված է միայն հաշվարկներով, դժվար թե հենց հիմա հնարավոր լինի նրան ինչ-որ բան վաճառել: Համենայն դեպս, դրան կարելի է հասնել ռեթարգեթինգով։

Առցանց խանութներում հաշվիչները կարող են օգտակար լինել երկու եղանակով։
Առաջին եղանակը պրոդուկտի էջում հաշվիչով widget տեղադրելն է, ինչը թույլ է տալիս հաճախորդին հեշտությամբ հաշվարկ կատարել: Սա բարելավում է կայքի UX-ը, ինչն ավելի հարմարավետ է դարձնում կայքից օգտվելը։

Երկրորդ եղանակը կայքում հաշվարկներով SEO բաժնի ստեղծումն է: Սա բարձրացնում է օնլայն խանութի դիրքը որոնողական համակարգերում և լրացուցիչ տրաֆիկ է գրավում։
SEO հաշվիչների առկայությունը իհարկե միանգամից մեծ փոփոխություն չի կատարի, բայց մոտ ապագայում իր արդյունավետությունը զգացնել կտա:
SEO հաշվիչը լայն լսարանի դեպքում կարող է աշխատել որպես լենդինգ էջ։

Կեղծ հաշվիչներ

Փոքր խանութները երբեմն քողարկում են պատվերի առաջին քայլը հաշվիչի անվան տակ: Նման կեղծ հաշվիչների միակ նպատակը պատվիրատուի կոնտակտային տվյալների հավաքագրումն է։ Խորհուրդ չեմ տալիս օգտագործել կեղծ հաշվիչներ․ շատ դեպքերում դրանք ավելի շատ վնաս են պատճառում, քան օգուտ:

Կայքի այցելուն մուտք է գործում կայք հաշվարկ ստանալու համար: Նրան կարող է բարկացնել, որ հաշվարկը ստանալու համար կոնտակտային տվյալ եք խնդրում:

Բացասական տպավորությունը կարելի է փոխել: Նշեք, որ դա սպասարկումը լրացնող պատվերի ձևանմուշ է։
Նման ձևանմուշը կարող է առավելություն հանդիսանալ Ձեզ համար. կոնտակտային տվյալներից բացի ստանում եք պատվերի մանրամասները և պատրաստ եք միանգամից առաջարկ ներկայացնել: Բայց դա անելու համար անհրաժեշտ է աշխատել ինտերֆեյսի և կոնտենտի վրա, ներկայացնել ձևանմուշը որպես սպասարկման մաս։

Ինչպե՞ս բարելավել օնլայն հաշվիչի գործունեությունը

Կա հաշվիչի այլ տարբերակներ ևս, որոնք հաճախորդից ոչինչ չեն թաքցնում և չեն փորձում ագրեսիվ վաճառք կատարել: Դրանց խնդիրն է վեբ կայքը դարձնել առավել հեշտ կիրառելի։
Մի՛ փորձեք ստեղծել ընդհանուր գործիք: Հաշվիչները, որոնք բաղկացած են առանձին փոքր բանաձևերից, ավելի լավ են աշխատում:

Անգամ եթե ուզում եք, որ հաշվիչը տա ամբողջական նախահաշիվ, միևնույն է, բաժանե՛ք հաշվարկը պարզ բլոկների: Հաճախորդը նրանցից առանձին արդյունք է ստանալու:
Բարդ հաշվիչներում կարող եք կատարել հաշվարկման մի քանի քայլ. օրինակ՝ հաշվել և ավարտել աշխատանքն առանձին: Հանուն պատրաստի արդյունքի, օգտվողները պատրաստ են անցնել երկու կամ երեք էջ:
Բայց երբ հաճախորդը ցանկանում է իմանալ միայն պաստառի վերջնական հաշվարկը, տվեք հնարավորություն ստանալու միայն պաստառի հաշվարկը։

Յուրաքանչյուր SEO հաշվիչը տեղադրե՛ք առանձին էջում: Դրանով Դուք կարող եք կցել դրանց համապատասխան H1 թեգեր, ինչը լավ է փոխազդեցության համար: Բացի այդ, որոնիչներից օգտվողներն անմիջապես կստանան համապատասխան հաշվարկ:

Առաջարկե՛ք որևէ հաջորդ քայլ, որը ոչինչ չի պարտադրի: Հաշվիչի էջը դատարկ մի՛ թողեք․ անպայմա՛ն ունեցեք մի բան, ինչը հաճախորդին կտանի դեպի գնում:
Դա կարող է լինել հղում դեպի ընկերության բլոգ, օգտակար հոդված կամ «Գնել» կոճակ:
Կարող եք բարելավել այս կոճակների փոխազդեցությունը՝ առաջարկելով պրոդուկտի զեղչ:

Ձեր հաշվարկներին ավելացրե՛ք նյութերի առաջարկվող պաշար: Ցու՛յց տվեք, թե ինչից է բաղկացած վերջնական հաշիվը. պետք չէ այն առեղծվածի մեջ պահել։ Նույնիսկ ավելի լավ է, երբ պահանջվող քանակից զատ պահեստային քանակ եք ցույց տալիս.

Օրինակ՝ «X քառակուսու համար Ձեզ հարկավոր է 5 գլան պաստառ + 1 գլան էլ պահեստային»: Եթե հաշվարկը դառնում է չափազանց բարդ , մեկ բանաձևը բաժանե՛ք մի քանի մասերի:

Օգտագործե՛ք նաև գծապատկերներ, որոնք ցույց են տալիս հաշվարկման գործընթացը:


Ինչպե՞ս պատրաստել օնլայն հաշվիչ

Կայքին հաշվիչ ավելացնելու համար նախ անհրաժեշտ է որոշել դրա գործառույթներն ու ցանկալի դիզայնը։

Հաշվիչների կոնստրուկտորներ: Դուք կարող եք վիջեթ հավաքել uCalc-ի նման կոնստրուկտորում, բայց այն չի ունենա CRM ինտեգրում. այն չի կարողանա ցույց տալ ներկա գինն ու պրոդուկտի առկա քանակը․ առավելագույնը ցույց կտա էլ․ փոստի հայտերը։

Մոդուլներ կայքի ադմինիստրատոր վահանակի համար: Օնլայն հաշվիչով մոդուլը կարող է մատչելի լինել Ձեր ադմինի համար, որն ունի անհրաժեշտ ինտեգրումներ: Բայց այդպիսի հաշվիչները հազվադեպ են թարմացվում. վիջեթի դիզայնը հնարավոր է հնացած լինի:

Պատվիրե՛ք գործակալությունից: Այսպիսով, Դուք ստանում եք համակցված լուծում, որը հաշվի է առնում Ձեր բիզնեսի բոլոր կարիքները՝ դիզայն, ինտեգրումներ և հաշվարկների բարդություն: