Հրապարակային պայմանագիր
Թարմացվել է 14.03․2023թ.-ին, Երևանի ժամանակով՝ 11:47


1. Հիմնական պայմաններ

ԱՁ Տարոն Պապիկյանը, ով գործունեություն է իրականացնում SSB Academy ապրանքանիշի ներքո (այսուհետ՝ SSB Academy), համագործակցելով մասնագետների, փորձագետների, իրավաբանական, ֆիզիկական կամ այլ անձանց հետ կազմակերպում և/կամ իրականացնում է առցանց կամ օֆֆլայն դասընթացներ, միջոցառումներ, վեբինարներ, վարպետության դասեր, մասնագիտական քննարկումներ www.ssbacademy.am կայքի և դրանց կից 3-րդ հարթակների (օրինակ՝ go.ssbacademy.am հարթակի) միջոցով (այսուհետ՝ Կայք) կամ օֆֆլայն ձևաչափով։

Ssbacademy.am-ին և go.ssbacademy.am-ը առցանց հարթակներ են, որտեղ ներկայացվում կամ մատուցվում են տարատեսակ դասընթացներ, միջոցառումներ, վեբինարներ, վարպետության դասեր, մասնագիտական քննարկումներ և այլ կրթական նյութեր, կամ ապրանքեր, միևնույն ժամանակ SSB Academy ապրանքանիշի ներքո ընկերությունը մատուցում է օֆֆլայն ձևաչափով դասընթացներ, միջոցառումներ, վարպետության դասեր, մասնագիտական քննարկումներ և այլ կրթական նյութեր, կամ ապրանքեր:

Ավելին SSB Academy-ի մասին կարող եք կարդալ այստեղ:

Խնդրում ենք ծանոթանալ սույն պայմաններին։ Այս պայմանները կարգավորում են Ձեր հարաբերությունները SSB Academy-ի և ընկերության անվան տակ գործող այլ ֆիզիկական կամ իրավաբանական անձանց հետ, ովքեր ընկերության անվան տակ անցկացնում կամ ներկայացնում են տարատեսակ միջոցառումներ, վարպետության դասեր, մասնագիտական քննարկումներ և այլ կրթական նյութեր։

Զգուշացնում ենք, որ SSB Academy-ի և իր ուսանողների, գործընկերների կամ այլ ձևաչափով համագործակցության մեջ մտած սուբյեկտների և օբյեկտների հետ կարգավորվում է բացառապես սույն պայմանագրով: Տվյալ պայմանագրային կետերին ծանոթ չլինելը չի ենթադրում տվյալ պայմանգրում նշված պարտավորություններից և պատասխանատվությունից ազատում:

Տեղեկացնում ենք, որ սա կլինի պարտավորեցնող համաձայնագիր Ձեր և SSB Academy - ի միջև, ընկերության որևէ ծառայությունների կամ ապրանքի համար ssbacademy.am կայքում կամ դրան կից/պատկանող այլ հարթակներում, ռեսուրսներում, հեռախոսզանգի, տեսազանգի, ֆիզիկական հանդիպման միջոցով ՆԱԽԱԳՐԱՆՑՄԱՆ կամ ԳՐԱՆՑՄԱՆ ընթացում «Համաձայն եմ ծառայությունների մատուցման պայմաններին», «Համաձայն ծառայությունների մատուցման հրապարակային պայմանագրին եւ գաղտնիության քաղաքականությանը», «Համաձայն եմ կանոններին» կամ վերոնշյալ միտքը կրող սակայն այլ ձևակերպում ունեցող կոճակը սեղմելուց, ծառայությունների կամ ապրանքների ստացման համար այլ ձևաչափով համաձայնույթյուն տալուց կամ առաջարկվող ծառայությունների կամ ապրանքների որևէ մեկի համար կանխավճար, մասնակի վճար կամ ամբողջական վճարում կատարելուց անմիջապես հետո (այսուհետև` գրանցում): Եթե ​​համաձայն չեք այս պայմաններին, խնդրում ենք դադարեցնել գրանցումը կամ չեղարկել այն ըստ այս պայմանագրում նշված ընթացակարգի:

Տեղեկացեք, որ սույն Պայմանները ժամանակ առ ժամանակ կարող են մասամբ կամ ամբողջությամբ փոփոխվել SSB Academy - ի հայեցողությամբ: Մենք պատասխանատվություն չենք կրում սույն Պայմաններում ցանկացած փոփոխության մասին Ձեզ ծանուցելու համար, և Ձեր պարտավորությունն է ժամանակ առ ժամանակ ստուգել և կարդալ Պայմանները: Փաստաթղթում կա փոփոխություն կատարելու ամսաթվի վերաբերյալ նշում, որպեսզի այն հիմք հանդիսանա փաստաթղթի վերջին փոփոխությունների մասին տեղեկանալու համար:

2. Պայմանագրում օգտագործված հիմնական հասկացությունները

Հրապարակային պայմանագիր՝ SSB Academy-ի և Հաճախորդի միջև կնքվող առցանց կամ օֆֆլայն դասընթացների, միջոցառումների, վեբինարների, վարպետության դասերի, մասնագիտական քննարկումների կամ այլ ծառայությունների կամ ապրանքների ձեռքբերման, մասնակցության Կայքի, ցանկացած ձևաչափով տրամադրվող նյութերի օգտագործման և Մեր կողմից մատուցվող Ապրանքների/Ծառայությունների դիմաց վճարումներ կատարելու մասին պայմանագիր:

Օգտագործող, Օգտատեր կամ Հաճախորդ՝ (այսուհետ՝ «Դուք», «Ձեզ», «Ձեր») ֆիզիկական կամ իրավաբանական անձ, ԱՁ, այդ թվում ՀՀ ռեզիդենտ կամ ոչ ռեզիդենտ ֆիզակական կամ իրավաբանական անձ, ԱՁ, որը SSB Academy-ի հետ կնքել է Պայմանագիր, այդ թվում ցանկացած ձևաչափով համաձայնություն է տվել ՀՐԱՊԱՐԱԿԱՅԻՆ ՊԱՅՄԱՆԳՐԻՆ դասընթացների, միջոցառումների, վեբինարների, վարպետության դասերի, մասնագիտական քննարկումների մասնակցության, Կայքի, ցանկացած ձևաչափով տրամադրվող նյութերի օգտագործման, SSB Academy-ի կողմից նախապես հայտարարված և սահմանված պայմանների ու կանոնների համաձայն ապրանքների և մատուցվող ծառայությունների դիմաց վճարումներ կատարելու վերաբերյալ:

Գործընկեր կամ Ծառայություններ մատուցող անձ՝ ֆիզիկական կամ իրավաբանական անձ, ԱՁ, ով SSB Academy-ի հետ կնքել է պայմանագիր վաճառվող ապրանքների և/կամ կատարվող աշխատանքների և/կամ մատուցվող ծառայությունների դիմաց:

SSB Academy (այսուհետ նաև՝ «Մենք», «Մեր»)՝ առցանց ինչպես նաև օֆֆլայն ձևաչափով հանդես եկող հարթակ, ապրանքանիշ, որն առաջարկանում է կրթական Ապրանքներ և/կամ Ծառայություններ, որի համար կարող է օգտագործել նաև 3-րդ հարթակ, օրինակ՝ go.ssbacademy.am հարթակը:

Կայք` SSB Academy -ի կողմից առաջարկվող Ծառայությունները և/կամ ապրանքները ներկայացնող համացանցային կայք, որը գրանցված է ssbacademy.am դոմենային հասցեով, կայքը կարող է ունենալ ենթադոմեններ, կամ այլ անուն կրող դոմեններից վերահասցեավորումներ, օրինակ՝ go.ssbacademy.am:

Հարթակ՝ Առցանց կամ օֆֆլայն ձևաչափով հանդես եկող միջվայր, որի շրջանակներում Դուք գրանցվում, վճարում և ցանկացած ձևաչափով օգտվում եք SSB Academy-ի կողմից առաջարկվող ծառայություններից և ապրանքներից։

Ակցիա կամ հատուկ առաջարկ` SSB Academy-ի կողմից անցկացվող միջոցառում, որն ուղղված է առաջարկվող Ապրանքների և/կամ Ծառայությունների իրացմանը, որի ժամանակ զեղչվում կամ այլ հատուկ պայմաններով են մատուցվում որոշակի ապրանքատեսակներ, աշխատանքների կամ ծառայությունների մատուցման արժեքներ: Հատուկ առաջարկները ունեն ավարտի ժամկետ:

Ակցիայի կամ հատուկ առաջարկի անցկացման ժամանակաշրջան՝ ժամանակաշրջան, որի ընթացքում SSB Academy-ին Օգտատերերին հատուկ պայմաններով Ապրանքներ և/կամ Ծառայություններ ձեռք բերելու հնարավորություն է ընձեռում:

Վճարում` Օգտատերերի կողմից դրամական պարտավորության կամ այլ վճարման կատարում:

Անձնական տվյալ՝ Ձեզ վերաբերող ցանկացած տվյալ կամ տեղեկություն, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել Ձեր ինքնությունը: Մշակման ենթակա տվյալների ցանկը ներառում է Ձեր կողմից տրամադրված և հանրամատչելի կամ բաց աղբյուրներից ձեռք բերված անձնական տվյալները:

Անձնական տվյալների մշակում՝ ցանկացած գործողություն կամ գործողությունների խումբ, որը կապված է Անձնական տվյալները հավաքելու, ամրագրելու, մուտքագրելու, համակարգելու, կազմակերպելու, կուտակելու, պահպանելու (մասնավորապես` SSB Academy-ի կողմից օգտագործվող ծրագրային ապահովումներում, վարվող հաշվետվություններում, զեկույցներում և այլ տվյալների բազաներում), փոփոխելու (թարմացում կամ վերափոխում), արտածելու, օգտագործելու, ապանձնավորելու, արգելափակելու, հեռացնելու, ջնջելու, ոչնչացնելու, ուղեփակելու, վերականգնելու, ուղղելու, ինչպես նաև ցանկացած եղանակով փոխանցելու (տարածում, հասանելիության ապահովում) հետ` անկախ իրականացման ձևից և եղանակից, այդ թվում՝ ավտոմատացված, մեխանիկական, համակցված, տեխնիկանական ցանկացած միջոցների կիրառմամբ կամ առանց դրանց:

Մտավոր սեփականություն կամ ՄՍ՝ ցանկացած մտավոր սեփականություն՝ գրանցված կամ չգրանցված, պատկանող կամ այլ կերպ սեփականատիրոջ տնօրինության տակ գտնվող, ներառյալ բոլոր հեղինակային իրավունքները, արտոնագրերը, արտոնագրային իրավունքները, առևտրային նշանները, արդյունաբերական նմուշները, որոնք հանդիսանում են սեփականություն:

Սեփականատեր՝ Տարոն Պապիկյան ԱՁ, ՀՎՀՀ 25339126։

3. Գրանցում

Մեր ծառայություններից/ապրանքներից օգտվելու համար որոշ դեպքերում Դուք պարտավորվում եք գրանցվել Կայքում ըստ սահմանած հրահանգների, իսկ որոշ դեպքերում, երբ կլինի համապատասխան հայտարարություն, դիմում կամ ծանուցում Մեր կողմից, Մեր ծառայություններից/ապրանքներից օգտվելու համար դուք կպարտավորվենք Ձեր տվյալները մեզ փոխանցել մեր կողմից սահմանած այլ ձևաչափով՝ մեր Facebook-յան կամ Instagram-յան էջերին՝ https://www.facebook.com/SSBAcademyOnline, https://www.instagram.com/ssbacademy.am/, ընկերության կողմից սահմանված էլ հասցեներին՝ support@ssbacademy.am, presentation@ssbacademy.am, կամ +37415777111 / +37495116211 հեռ․ համարներով ընկերության համապատասխան բաժնի աշխատակցին հեռախոսզրույցի ընթացքում, որոշ դեպքերում ֆիզիկական հաղորդակցության կամ մեր կողմից սահմանված հաղորդակցության այլ ուղիների միջոցով, օրինակ՝ Telegram-յան աջակցման կենտրոնին՝ https://t.me/ssbacademysupportbot։ Տվյալները համարվում են փոխանցված երբ դուք մեր կողմից ստանում եք գրավոր կամ բանավոր հաստատում այդ թվում ավտոմատ եղանակով:

Կայքում գրանցումն ավարտելուց հետո Դուք կունենաք Ձեր սեփական հաշիվը և կկարողանաք օգտվել կայքում տեղադրված ծառայություններից կամ ապրանքներից սահմանված ընթացակարգով: Օգտահաշիվ ստեղծելու ընթացակարգը փոխանցվում է յուրաքանչյուր հաճախորդին վճարումը կատարելուց հետո 365 օրերի ընթացքում, սակայն ոչ ուշ քան ծառայությունների կամ ապրանքների մատուցման մեկնարկից հաջորդող 14 օրերի ընթացքում: Այդ ժամկետը սահմանվում է Ձեր և Մեր ընկերության աշխատակցի հետ մեր Facebook-յան, Instagram-յան էջերով, Telegram-յան աջակցման կենտրոնում, էլ հասցեներով, հեռոխազանգի, ֆիզիկական հանդիպման կամ մեր կողմից սահմանված հաղորդակցության այլ ուղիների միջոցով, իսկ որոշ դեպքերում Կայքում կամ տվյալ ապրանքի/ծառայության նկարագրում:

Ձեր հաշիվը գրանցելիս Դուք պետք է տրամադրեք ճշգրիտ և ամբողջական տվյալներ և տեղեկատվություն և պատասխանատվություն եք կրում տրամադրված տեղեկատվության համար։

Այլ ձևաչափով մեր ծառայություններից կամ ապրանքներից օգտվելու համար մեր կողմից սահմանված ցանկացած այլ ձևաչափով Դուք պետք է տրամադրեք ճշգրիտ և ամբողջական տվյալներ և տեղեկատվություն և պատասխանատվություն եք կրում տրամադրված տեղեկատվության համար։

Կայքում գրանցվելու դեպքում Դուք պարտավորվում եք գաղտնի պահել Ձեր գաղտնաբառը, եթե այն առկա է, դուք իրավունք չունեք այն փոխանցել 3-րդ կողմին: Մենք պատասխանատվություն չենք կրի, եթե բացի Ձեզանից որևէ մեկը օգտագործի Ձեր գաղտնաբառը, սակայն Ձեր այդ քայլը կարող է համարվել մեր ընկերության հեղինակային իրավունքների խախտում, որը ՀՀ օրենքով ենթադրում է պատասխանատվություն, նման դեպքում Մենք իրավասու ենք ամբողջովին արգելափակել և այլևս չվերականգնել Ձեր մուտքը դեպի Ձեր օգտահաշիվ:

Եթե Ձեր անձնական հաշվի որևէ չարտոնված օգտագործում է եղել, ապա Դուք պետք է տեղեկացնեք մեզ նման իրադարձության /դեպքի մասին, մեզ հետ կապ հաստատելով հեռախոսահամարի` +37415777111 / +37495116211 կամ էլ հասցեի՝ support@ssbacademy.am միջոցով, այս դեպքում նախ անհրաժեշտ է ներկայանալ և տրամադրել Ձեր մասին ամբողջական տվյալներ, այն է՝ անուն, ազգանուն, հեռ համար, էլ հասցե, խմբի/դասընթացի անուն և վերջինիս մեկնարկի ամսաթիվ, որից հետո պետք է մանրամասն նկարագրեք դեպքը, իսկ դրանից հետո դուք Մեր կողմից կստանաք համապատասխան հրահանգները կամ ուղղորդումները, որը պարտավորվում եք կատարել Ձեր անձնական տվյալների և Մեր ընկերության անվտանգությունը ապահովելու նպատակով, ցանկացած այլ դեպքում Մենք իրավասու ենք ամբողջովին արգելափակել և այլևս չվերականգնել Ձեր մուտքը դեպի Ձեր օգտահաշիվ:

Օֆֆլայն ձևաչափով մատուցվող ծառայությունների դեպքում, եթե դուք չունեք համապատասխան պայմանագիր Մեզ հետ կամ այլ ձևաչափով համաձայնություն դուք իրավունք չունեք ծառայությունների մատուցման ընթացքը տեսաձայնագրել, եթե տեսաձայնագրությունը տևում է ավելի քան 1 րոպե, կամ ձայնագրել, եթե այն տևում ավելի քան 1 րոպե, լուսանկարել, եթե լուսանկարների քանակը գերազանցում է 5-ը։

Մենք իրավունք ունենք չեղյալ համարելու, դադարեցնելու, մերժելու ծառայությունը կամ գրանցումը, չեղյալ համարելու գնումը կամ այլ կերպ սահմանափակելու Ձեր մուտքը Ձեր հաշիվ Մեր հայեցողությամբ:

4. Վճարում և չեղարկում

Յուրաքանչյուր Ծառայության և/կամ Ապրանքի կամ դրանց խմբի գինը տեղադրված է Կայքում, կամ մեր Facebook-յան Instagram-յան էջերում, որոշ դեպքերում գնի մասին տեղեկատվությունը Ձեզ կփոխանցվի էլ նամակի, հեռախոսզանգի կամ մեր կողմից սահմանված հաղորդակցության այլ ուղու միջոցով։

Կայքում կամ այլ ձևաչափով սահմանված գինը ծառայությունների/ապրանքի մատուցման/տրամադրման ընթացքում փոփոխության ենթակա չէ և տվյալ պայմանագրում որևէ այլ փոփոխություն կատարելու դեպքում չի կարող փոխվել այս կետը։ Ծառայությունների գինը կարող են փոխվել յուրաքանչյուր այլ խմբի, նախագծի, ծառայությունների կամ ապրանքի մատուցման սկզբի համար,հնարավոր է սահմանվեն ծառայությունների արժեքի աճի կամ նվազման ժամկետներ մինչև ապրանքի կամ ծառայության մատուցումը, սակայն սա երբեք չի վերաբերվի սահմանված գնով ծառայությունը կամ ապրանքը ձեռք բերած օգտատիրոջը:

Վճարում իրականացնելու համար Դուք պետք է նշեք Ձեր բանկային քարտի, որոշ դեպքերում բանկային հաշվեհամարի կամ առցանց դրամապանակի ճիշտ տվյալները, ինչպես նաև Ձեր այն հեռախոսահամարի, իսկ որոշ դեպքերում էլ հասցեի, կամ ըստ պահանջի Ձեր անձնական այլ ճիշտ տվյալները, որով գրանցվել եք Ծառայությունը և/կամ Ապրանքը Ձեռք բերելու նպատակով, որպեսզի կարողանաք վճարել Ծառայությունների և/կամ Ապրանքի համար:

Վճարումը կատարվում է Կայքում գործող առցանց վճարային համակարգով, «Telcell» , «EasyPay», «IDram» տերմինալների, նույնանուն հեռախոսային հավելվածների, բանկային կամ միջազգային փոխանցումների միջոցով:

Վճարման բոլոր դեպքերում պետք է ճշգրիտ լրացնեք Ձեր այն հեռախոսահամարը, էլ հասցեն, անուն և ազգանունը, իսկ իրավաբանական անձանց, ԱՁ-ների դեպքում ընկերության ռեկվիզտիները կամ այլ տվյալները որով գրանցվել կամ ցանկանում եք գրանցվել Ծառայությունները և/կամ Ապրանքը ձեռք բերելու նպատակով, հակառակ դեպքում առաջացած խնդիրների համար Մենք պատասխանատվություն չենք կրում:

Վճարումը կատարելու համար անհրաժեշտ է հետևել հրահանգներին և լրացնել ճիշտ տեղեկատվություն:

Տեղեկացնում ենք, որ փոխանցումը կատարելու ժամանակ կարող են խնդիրներ առաջանալ Ձեր բանկային հաշվի և/կամ այլ էլեկտրոնային գործարքներ իրակացնող համակարգի և/կամ դրանց կից, Ձեր հաշվի հետ: Այս դեպքերում Դուք պետք է կապվեք Ձեր բանկի կամ այլ էլեկտրոնային ծառայություններ առաջարկող ընկերության հետ լուծեք խնդիրը և կրկին փորձեք վճարում իրականացնել:

Կայքում կամ մեր կողմից սահմանված այլ ձևաչափով ներկայացված Ծառայությունների և/կամ Ապարանքերի համար նշված գումարը պետք է ստացվի ամբողջությամբ կամ ըստ նշված փուլերի, եթե դրանք առկա են՝ այն դեպքում, երբ Ձեր բանկը կամ վճարահաշվարկային կազմակերպությունը վճարման համար գանձում է որևէ լրացուցիչ գումար, Դուք պարտավորություն եք կրում վճարել նաև միջնորդավճարները կամ տվյալ ընկերությունների կողմից ծառայությունների մատուցման այլ վճարները, եթե դրանք առկա են:

Տեղեկացնում ենք, որ վճարման պահ է համարվում Մեր բանկային հաշվին գումարի փաստացի մուտքագրման և այն մեզ տեսանելի դառնալու պահը։

Եթե առկա են Ծառայությունների և/կամ ապրանքի ձեռքբերման ընթացիկ վճարումներ, ապա դա պետք է կատարվի սահմանված օրը և սահմանված ընթացակարգով, որը ներկայացված է Կայքում կամ մեր կողմից սահմանած այլ ձևաչափով, կոմունիկացիոն ուղիներով, հակառակ դեպքում, սահմանված օրից 48 ժամ անց Մենք իրավասու ենք արգելափակել Ձեր մասնակցությունը տվյալ դասընթացին և վերականգնել Ձեր մասնակցությունը Ձեր կողմից վճարումը կատարելուց հետո, 48 ժամերի ընթացքում, վճարումը ժամկետից 48-72 ժամ անց չկատարելու դեպքում Ձեր մասնակցությունը տվյալ դասընթացին կդադարեցվի:

Եթե որևէ պատճառով Դուք որոշում եք կայացնում դադարեցնել Ծառայությունների և/կամ Ապրանքի մատուցման գործըթանցը Ծառայությունների և/կամ Ապրանքի ձեռբքերումից հետո, ապա


1․ Եթե ծառայությունը մատուցվում է ուղիղ եթերների, դրանց տեսաձայնագրությունների տրամադրման կամ վերջիններիս չտրադրման և այլ նյութերի տրամադրման կամ վերջիններիս չտրամադրման ձևաչափով ապա, ծառայությունների փաստացի մատուցման յուրաքանչյուր օրվա համար հաշվարկվում է 5000-100000 ՀՀ ԴՐԱՄ վճար ՝ կախված ծառայությունների արժեքից, անկախ նրանից Դուք օգտվել եք տվյալ Ծառայություններից թե ոչ, որը պարտավորվում եք վճարել Ձեր կողմից դադարեցման մասին մեզ հեռախոսզանգի, մեր Facebook-յան, Instagram-յան էջերին, կամ support@ssbacademy.am, presentation@ssbacademy.am էլ հասցեներին, կամ Telegram-յան աջակցման կենտրոնին Ձեր մասնակցությունը դադարեցնելու մասին մեզ ծանուցելուց հետո 48 ժամվա ընթացքում, իսկ եթե վճարումը կատարել եք նախօրոք կատարվում է վերահաշվարկ և եթե մեր կողմից առկա է ետվերադարձվող գումար դա կատարվում է ըստ սահմանված ժամկետների, միևնույն ժամանակ, եթե դասընթացի տևողությունը գերազանցում է 8 դասը, բայց ավել չէ 24 դասից, ապա 3-րդ դասից սկսած հրաժարվելու դեպքում մեր կողմից գումարի ետվերադարձ չի կատարվում, իսկ եթե ձեր կողմից առկա է պարտավորություն, ապա այն պետք է մարվի 48 ժամերի ընթացքում, եթե դասընթացը գերազանցում է 24 դասը, բայց ավել չէ 100 դասից, ապա 8-րդ դասից սկսած հրաժարվելու դեպքում մեր կողմից գումարի ետվերադարձ չի կատարվում, իսկ եթե ձեր կողմից առկա է պարտավորություն, ապա այն պետք է մարվի 48 ժամերի ընթացքում:

2.Եթե ծառայությունը մատուցվում է օֆֆլայն ձևաչաձով, ապա, ծառայությունների փաստացի մատուցման յուրաքանչյուր օրվա համար հաշվարկվում է 3700-100000 ՀՀ ԴՐԱՄ վճար՝ կախված ծառայությունների արժեքից, անկախ նրանից Դուք օգտվել եք տվյալ Ծառայություններից թե ոչ, որը պարտավորվում եք վճարել Ձեր կողմից դադարեցման մասին մեզ հեռախոսզանգի, մեր Facebook-յան, Instagram-յան էջերին, կամ support@ssbacademy.am, presentation@ssbacademy.am էլ հասցեներին, կամ Telegram-յան աջակցման կենտրոնին Ձեր մասնակցությունը դադարեցնելու մասին մեզ ծանուցելուց հետո 48 ժամվա ընթացքում, իսկ եթե վճարումը կատարել եք նախօրոք կատարվում է վերահաշվարկ և եթե մեր կողմից առկա է ետվերադարձվող գումար դա կատարվում է ըստ սահմանված ժամկետների:

Եթե Ծառայությունները ձեռք եք բերել երկրորդ կամ ավելի անձի հետ, որը որոշ դեպքերում կարող է ենթադրել գրանցման հատուկ ընթացակարգ, ապա տվյալ պարագայում կարող է գործել հատուկ առաջարկ միայն այն դեպքում, եթե դրա մասին նշված է Կայքում․ կամ Ձեր դրա մասին ծանուցվել է մեր կողմից այլ եղանակով, այս դեպքում Ձեզանից յուրաքանչյուրը կարող է ստանալ մինչև 40% զեղչ, սակայն եթե Դուք կամ երկրորդ անձը դադարեցնում է Ծառաթյուններից օգտվելու գործընթացը, ինչպես մինչ ծառայությունների մատուցումը, այնպես էլ դրա ընթացքում, ապա մյուս մասնակցին տրամադրված զեղչը չեղարկվում է, և գործում է Ծառայության կամ ապրանքի սկզբնական արժեքը: Զեղչված արժեքի և սկզբնական արժեքի տարբերությունը պարտավորվում է վճարել այն հաճախորդը, ով շարունակում է օգտվել Ծառայություններից կամ ապրանքից: Վերահաշվարկի արդյունքում ձևավորված արժեքի վճարումը պետք է կատարվի հաճախորդներից մեկի կողմից Ծառայությունների կամ ապրանքի մատուցման գործընացը դադարեցնելու պահից հետո՝ 48 ժամերի ընթացքում, իսկ եթե վերահշարկի արդյունքում մեր կողմից առկա է ետվերադարձվող գումար դա կատարվում է ըստ սահմանված ժամկետների:

3.Եթե ծառայությունը մատուցվում է նախօրոք տեսաձայնագրված տեսանյութեր տրամադրելու և այլ նյութերի տրամադրման ձևաչափով ապա, Ձեր կողմից ծառայությունների ստացման նպատակով Կայքում գրանցվելու պահից հետո, անկախ Ձեր տվյալների ստուգման (մոդերացիաի կարգավիճակից), անկախ նրանից դուք քանի տեսաձայնագրություն եք դիտել, կամ չեք դիտել ընդհանրապես գումարը ետվերադարձի ենթակա չէ:

Գումարը ետվերադարձի ենթակա է միայն մեկ դեպքում, եթե Դուք չստանաք ըստ նախօրոք սահմանված ծրագրային պայմաններին համապատասխան ծառայություն և կարողանաք նախօրոք ներկայացված ծրագրի անհամապատասխանելիությունը ստացած ծառայությունների փաստացի վիճակի հետ ապացուցել, կայքում օգտահաշիվ ստեղծելուց և մոդերացիա անցնելուց հետո 3 ժամերի ընթացքում գրավոր կերպով:

Վերոնշյալ պայմանը գործում է միայն մեկ դեպքում, եթե դուք Կայքում ստեղծել եք օգտահաշիվ Մեր կողմից Կայքում օգտահաշիվ ստեղծելու ուղեցույցը ստանալուց և մոդերացիա անցնելուց հետո 2 օրերի ընթացքում:

Եթե օգտահաշիվը ստեղծում եք Մեր կողմից Կայքում օգտահաշիվ ստեղծելու ուղեցույցը ստանալուց և մոդերացիա անցնելուց հետո 3 և ավելի օրեր անց, ապա գումարը ետվերադարձի ենթակա չէ ընդհանրապես:

Հատուկ ցանկանում ենք նշել`

ա․) SSB Academy-ին իրավունք ունի սահմանել տեսաձայնագրությունների ընդհանուր տևողություն և տրամադրի փաստացի +-50% տևողության շեղումով տեսաձայնագրություններ, սակայն դա չի կարող հանդիսանալ ծրագրում նախօրոք ներկայացված բաղադրիչների փոփոխության կամ թերի մատուցման պատճառ և չի կարող համարվել անհապատասխանելիություն ծրագրի հետ:

բ․) Ծրագրում նախօրոք ներկայացված որոշ բաղադրիչներ կարող են տեսաձայնագրությունները պատրաստելու կամ դրանց տրամադրման ընթացքում դուրս գան կիրառելիությունից, կամ անիմաստ դառնա վերջիններիս կիրառելիությունը, ուստի հնարավոր է դրանք հեռացվեն փաստացի տրամադրվող նյութերից կամ փոփոխվեն: Սակայն դա չի կարող հանդիսանալ ծրագրում նախօրոք ներկայացված բաղադրիչների թերի մատուցման պատճառ և չի կարող համարվել անհապատասխանելիություն ծրագրի հետ:

գ․) Ծրագրում նախօրոք ներկայացված որոշ բաղադրիչներ կարող են տրամադրվել խառը հերթականությամբ, բայց ապահովելով տրամաբանական կապը, սակայն դա չի կարող հանդիսանալ ծրագրում նախօրոք ներկայացված բաղադրիչների փոփոխության կամ թերի մատուցման պատճառ և չի կարող համարվել անհապատասխանելիություն ծրագրի հետ:

դ․) Սահմանված տեսաձայնագրությունների և նյութերի ընդհանուր քանակի 10%-ը Ձեզ կարող են տրամադրել կայքում Ձեր գրանցման և տվյալների հաստատման պահին, իսկ մյուս 90%-ը գրանցումից և տվյալների հաստատման պահից հետո, 120 աշխատանքային օրերի ընթացքում, նաև կարող են դրանք տրամադրվել ամբողջությամբ, կամ մասնակի՝ կայքում գրանցման պահին: Նշված դեպքերը ոչ մի դեպքը չի կարող հանդիսանալ ծրագրում նախօրոք ներկայացված բաղադրիչների փոփոխության կամ թերի մատուցման պատճառ և չի կարող համարվել անհապատասխանելիություն ծրագրի հետ:

ե․) Ծրագրում սահմանված բաղադրիչները կարող են տրամադրվել ինչպես տեսաձայնագրությունների, այնպես էլ պրեզենտացիաների, նյութերի, ուղեցույցների, ձևանմուշների տեսքով կամ այլ ձևաչափով: Սակայն դա չի կարող հանդիսանալ ծրագրում նախօրոք ներկայացված բաղադրիչների փոփոխության կամ թերի մատուցման պատճառ և չի կարող համարվել անհապատասխանելիություն ծրագրի հետ:

զ․) Հնարավոր է Ձեր կողմից ներդրված ոչ համապատասխան ջանքերի, պատասխանատվության, կենտրոնացման, ժամանակի կամ Ձեր մտավոր և մասնագիտական ունակությունների և հմտությունների պատճառով դուք չըմբռնեք կամ մասամբ ըմբռնեք մատուցվող տեսաձայնագրությունների և այլ նյութերի բովանդակությունը և դրա արդյունքում չկարողանաք դրանք կիրառել: Սակայն դա չի կարող հանդիսանալ ծրագրում նախօրոք ներկայացված բաղադրիչների փոփոխության կամ թերի մատուցման պատճառ և չի կարող համարվել անհապատասխանելիություն ծրագրի հետ:

Ամեն դեպքում, եթե Ձեր կողմից ներկայացվի նախօրոք ներկայացված ծրագրի և տրամադրված փաստացի նյութերի անհամապատասխանելիություն մեր կողմից կիրականացվի գումարի մասնակի կամ ամբողջական ետվերադարձ ըստ սահմանված ընթացակարգի: Եթե վերահշարկի արդյունքում մեր կողմից առկա է ետվերադարձվող գումար դա կատարվում է ըստ սահմանված ժամկետների:

Ապրանքների դեպքում ետվերադարձ չի գործում, իսկ որոշ դեպքերում ետվերադարձի ժամկետը 14 օր է, եթե ապրանքի սկզբնական տեսքը պահպանված է և առկա է գնման մասին համապատասխան անդորագիր: Եթե վերահշարկի արդյունքում մեր կողմից առկա է ետվերադարձվող գումար դա կատարվում է ըստ սահմանված ժամկետների:

Վերոնշյալ բոլոր տարբերակների դեպքում մասնակցության դադարեցման մասին պետք է տեղյակ պահել՝ զանգահարելով +374 15 777 111 կամ +374 95 11 62 11հեռախոսահամարին, SSB Academy-ի աշխատանքային օրերին և ժամերին, որը նշված Կայքի հետադարձ կապ բաժնում, և դրա մասին տեղեկացնել ընկերության աշխատակցին: Դադարի օրը համարվում է այն օրը, երբ Դուք տեղեկացրել եք դրա մասին ընկերության աշխատակցին նշված մեթոդով, որից հետո, ստանալով էլեկտրոնային հաղորդագրություն դադարեցնելու վերաբերյալ, այն հաստատում եք էլեկտրոնային նամակի միջոցով::

Եթե առկա է գումարի ետ փոխանցում, ապա փոխանցումը Մեր կողմից կատարվում 30 աշխատանքային օրերի ընթացքում: Գումարի ետփոխանցումը Մեր կողմից կատարվում է միայն Ձեր կողմից տրամադրված բանկային հաշվեհամարին, որի օգտագործողը համարվում է դասընթացի մասնակիցը, եթե նա չափահաս է, իսկ անչափահաս մասնակիցների դեպքում, դա կարող է լինել ծնողներից որևէ մեկի հաշվեհամարը։ Եթե մասնակցին ֆինանսավորել է իրավաբանական անձ, ապա ետփոխանցումը կատարվում է միայն տվյալ իրավաբանական անձի հաշվեհամարին:

Եթե որևէ պատճառնով Դուք որոշում եք փոխել Ծառայությունների մատուցման ժամկետը կամ խումբը մինչ Ծառայությունների մատուցման օրը, ապա այդ փոփոխությունը կատարվում է ամբողջությամբ անվճար, սակայն եթե այդ փոփոխությունը կատարվում է Ծառաթյունների մատուցման մեկնարկի օրից հետո, ապա այս պարագայում հնարավոր է կախված դասընթացի արժեքից կիրառվի մինչև 500,000 ՀՀ ԴՐԱՄ լրացուցիչ վճար։

5. Դասընթացների կազմակերպում

Դասընթացները կազմակերպվում են ինչպես առցանց վեբինարների, նյութերի տրամադրման, ձայնագրված նյութերի տրամադրման և այլ միջոցներով, այնպես էլ օֆֆլայն ձևաչափով: Յուրաքանչյուր դասընթացի անցկացման ձևի վերաբերյալ կայքում կամ կոմունիկացիոն այլ հարթակում առկա է համապատասխան տեղեկատվություն։

Դասընթացին, վեբինարին կամ այլ կրթական միջոցառման մասնակիցների քանակը չի սահմանափակվում, միևնույն ժամանակ հիմք ընդունելով կորպորատիվ գաղտնիքի պահպանման պարտավորությունը SSB Academy-ին ունի դասընթացին, վեբինարին կամ այլ կրթական միջոցառման մասնակիցների քանակի վերաբերյալ տեղեկատվությունը չհրապարակելու, չտրամադրելու կամ այլ միջոցով չհանրայնացնելու իրավասություն, բացառությամբ ՀՀ օրենքով սահմանված դեպքերի, միևնույն ժամանակ SSB Academy բոլոր այն գործընկերները, ովքեր որևէ եղանակով ունեն համագործակցություն SSB Academy-ի հետ և տիրապետում են մասնակիցների իրական կամ ցուցադրվող քանակին իրավունք չունեն այդ տեղեակտվությունը որևէ ձևաչափով հրապարակեն, տրամադրեն կամ այլ միջոցով հանրայնացնեն կամ հասանելի դարձնեն SSB Academy-ի կողմից չարտոնված երրորդ կողմին:

Եթե ծառայությունները չեն մատուցվել սահմանված ժամկետում, և դրա պատճառը նյութը հաճախորդի կողմից չյուրացնելն է, ապա ավելացվում են դասընթացներ․ դա կատարվում է միայն ըստ կարիքի, որը սահմանում է SSB Academy-ն։ Ավելացումները կատարվում են անվճար․ տվյալ դասընթացի մասնակիցը չի վճարում ավելացված հանդիպումների համար, միևնույն ժամանակ եթե նյութը հաճախորդի կողմից յուրացվում է կանխատեսածից արագ, SSB Academy-ին իրավունք ունի ծրագիրը վերջացնել ժամկետից շուտ, սակայն միևնույն ժամանակ պարտավորվում է ապահովել ծրագրում կազմակերպված բոլոր կետերը: Եթե ծառայությունների տրամադրումը կատարվում է սահմանված ժամկետից շուտ դրա որակի և ծրագրային կետերի պահպանումով, ապա SSB Academy-ն որևէ մասնակցի որևէ գումար չի վերադարձնում:

Եթե դասընթացը կամ այլ ծառայությունը կազմակերպվում է ուղիղ հեռարձակմամբ, դրանից դուրս հարցերը, դասընթացավարի կամ ընկերության սպասարկման բաժնի կողմից պատասխան են ստանում 24-96 ժամերի ընթացքում, բացառությամբ կիրակի, տոն օրերի, հատուկ դեպքերի և այլ ոչ աշխատանքային օրերի:

Եթե դասընթացը կամ այլ ծառայությունը կազմակերպվում է օֆֆլայն ձևաչափով , դրանից դուրս հարցերը, դասընթացավարի կամ ընկերության սպասարկման բաժնի կողմից պատասխան են ստանում 24-96 ժամերի ընթացքում, բացառությամբ կիրակի, տոն օրերի, հատուկ դեպքերի և այլ ոչ աշխատանքային օրերի:

Եթե դասընթացը կամ այլ ծառայությունը կազմակերպվում է նախօրոք տեսաձայնագրված տեսանյութերի և այլ նյութերի տրամադրման ձևաչափով, կամ օֆֆլայն ձևաչափով, ապա դրանից դուրս հարցերը, դասընթացավարի կամ ընկերության սպասարկման բաժնի կողմից պատասխան են ստանում 24-120 ժամերի ընթացքում, բացառությամբ կիրակի, տոն օրերի, հատուկ դեպքերի և այլ ոչ աշխատանքային օրերի:

Եթե դասընթացի ձևաչափը ենթադրում է տեսաձայնագրությունների տրամադրում, ապա դրանց պահպանման ժամկետը սահմանվում է հետևյալով՝

1․ Wildberries Manager + Seller դասընթաց - 2 ամիս
2․ SMM ZERO դասընթաց (նախօրոք տեսաձայնագրված ֆորմատ) - անժամկետ
3․ HRM ԲԱԿԱԼԱՎՐ դասընթաց - 2 ամիս
4․ DIGITAL MARKETING ԲԱԿԱԼԱՎՐ - 2 ամիս
5․ DIGITAL MARKETING ԲԱԿԱԼԱՎՐ (նախօրոք տեսաձայնագրված ֆորմատ) - անժամկետ
6․ Այլ դասընթացներ - 1-60 օր

Այս ժամկետները կարող են փոփոխվեն մեր հայեցողությամբ:

Ընկերությունը իրավասու է Ձեր մասնագիտական հարցերին և խնդիրներին պատասխանել դասընթացի կամ այլ ծառայությունների մատուցման ընթացքում կամ դրա ավարտից հետո 1-12 ամիս տևողությամբ, կախված դասընթացի տեսակից և ժամկտեներից, այս ժամկետը սահմանվում է դասընթացավարի կողմից առաջին դասի ընթացքում:

Եթե դասընթացը կազմակերպվում է ուղիղ հեռարձակմամբ և եթե ըստ ծրագրային կետերի այն ենթադրում է տեսաձայնագրել և Ձեզ տրամադրել տեսաձայնագրությունը, ապա ձայնագրությունը Մեր կողմից տրամադրվում է տվյալ դասի կամ ծառայության ավարտից հետո առավելագույնը 72 ժամերի ընթացքում, բացառությամբ կիրակի, տոն օրերի, հատուկ դեպքերի և այլ ոչ աշխատանքային օրերի:

Վերոնշյալ բոլոր կետերում նշված հատուկ դեպքերի պարագայում, ընկերության ադմինիստրացիան, դասընթացավարը կամ այլ շահագրգիռ կողմերը դրա մասին նախօրոք տեղեկացնում է մասնակցի օգտահաշվում և/կամ այլ հնարավոր էլեկտրոնային միջոցներով, իսկ որոշ դեպքերում իրավասու են չտեղեկացնել ընդհանրապես:

Վկայականը կամ դիպլոմը տրամադրվում է թվային տարբերակով, իսկ որոշ դեպքերում նաև տրամադրվում է վերջիններիս տպագրված տարբերակը։ Այն ուղարկվում է Ձեր կողմից նշված էլեկտրոնային հասցեին։

Քննությունները կազմակերպվում են վերջին դասընթացից հետո 100 օրերի ընթացքում, իսկ որոշ դեպքերում յուրաքանչյուր ամսվա վերջին տասնօրյակում որևէ օր, որը նախօրոք սահմանվում և հայտարարվում է մեր կողմից: Քննությունը կազմակերպվում է առցանց տարբերակով, իսկ որոշ դեպքերում ըստ ընկերության հայեցողության դրանք կարող են կազմակերպվել օֆֆլայն տարբերակով:։ Քննության արդյունքները ամփոփվում են քննության հանձնման պահից 100 օրերի ընթացքում, որից հետո տրամադրվում են վկայականը կամ դիպլոմը, ամփոփումից հետո 100 օրերի ընթացքում:

Դասընթացների վերջում կարող է տրամադրվել մասնակցության և գերազանցության վկայական, կամ վերջնական միավոր պարունակող, կամ վերջինս չպարունակող դիպլոմ, որոնց մասին Կայքում` յուրաքանչյուր դասընթացի էջում առկա է համապատասխան տեղեկատվություն։

Լավագույն առաջադիմություն է համարվում դասընթացի ընթացիկ աշխատանքների և/կամ քննության կամ այլ քննական գործընթացների արդյունքում ձեռբերված 80 իսկ որոշ դեպքերում 70 կամ 90 միավորը, որը տվյալ դասընթացի ընթացքում հստակեցնում և մասնակիցներին է փոխանցում տվյալ դասընթացի գլխավոր դասընթավարը, կամ SSB Academy-ի հատուկ աշխատակիցը:

Ոչ մի դեպքում SSB Academy-ին չի կրում պատասխանատվություն օգտատիրոջը աշխատանք տրամադրելու կամ այդ հարցում աջակցելու հարցում:

Սույն պայմանագրով նախատեսված ծառայությունները կարող են մատուցվել նաև երրորդ անձանց կամ ընկերությունների ներգրավման միջոցով։

6. Մտավոր սեփականություն

Դուք ընդունում և համաձայն եք, որ Կայքում առկա, ինչպես նաև այլ ձևաչափերով մեր կողմից Ձեզ փոխանցվող բոլոր նյութերը (բացառությամբ հաճախորդների մեկնաբանությունների), ներառյալ, բայց չսահմանափակվելով տեքստերը, ծրագրերը, գրաֆիկական կամ ոչ-գրաֆիկական նկարները, ձայնագրությունները, տեսաձայնագրությունները, երաժշտությունը, տեսահոլովակները, ինտերակտիվ հնարավորությունները և դրանց նման նյութերը (այսուհետ՝ Նյութեր), ինչպես նաև դրանում առկա ապրանքանիշերը, ծառայությունների նշաններն ու լոգոները (այսուհետ՝ Նշաններ) պատկանում են SSB Academy-ին, իսկ որոշ դեպքերում նաև իր գործընկերներին, կամ արտոնագրված են նրա կողմից և ենթակա են պաշտպանության որպես հեղինակային իրավունք և մտավոր սեփականության իրավունք՝ միջազգային կոնվենցիաների և ներպետական օրենսդրության համաձայն:

Կայքի տեղեկատվության, ինչպես նաև գովազդային նյութերի մասնակի կամ ամբողջական մեջբերման, օգտագործման դեպքում այն մեզ հետ գրավոր համաձայնեցնելը պատրադիր է, իսկ մեր կողմից հաստատում ստանալուց հետո փաստացի օգտագործելու դեպքում հղումը Կայքին՝ պարտադիր, եթե այլ բան թույլատրված չէ:

Կայքում ներկայացված են ապրանքներ, աշխատանքներ և ծառայություններ, որոնք SSB Academy-ի և իր հետ փոխկապակցված գործընկերների սեփականությունն են։

Կայքի Նյութերը տրամադրվում են միայն Ձեր օգտագործման համար և չեն կարող օգտագործվել, պատճենահանվել, վերարտադրվել, բաշխվել, փոխանցվել, հեռարձակվել, ցուցադրվել, արտոնագրվել, ձևափոխվել կամ այլ կերպ շահագործվել որևէ այլ նպատակով` առանց այդ Նյութերի սեփականատերերի նախնական գրավոր համաձայնության:

SSB Academy-ն գրանցված ապրանքանիշ է: Այցելուն և/կամ Օգտատերն իրավունք չունեն օգտագործել, կրկնօրինակել, թարգմանել և/կամ տարածել SSB Academy-ի ապրանքանիշն առանց թույլտվության: Եթե այցելուն հետաքրքրված է Կայքում տեղ գտած տվյալներով կամ տեղեկատվությամբ, ապա կարող է կապ հաստատել Մեզ հետ՝ համաձայն Կայքի «Հետադարձ կապ» բաժնում տեղադրված հեռախոսահամարի և էլեկտրոնային հասցեի միջոցով:

Ցանկացած Մտավոր Սեփականության օբյեկտի նկատմամբ սեփականության իրավունքը ծագում է այն Ձեզ հասանելի դարձնելու կամ հրապարակելու պահից։

7. Անձնական տվյալներ

SSB Academy-ն «Անձնական տվյալների պաշտպանության մասին» ՀՀ օրենքով սահմանված կարգով իրականացնում է Ձեր անձնական տվյալների մշակում Պայմանագրի կատարման, ինչպես նաև Պայմանագրի պայմաններից բխող այլ գործողությունների իրականացման նպատակով:

Անձնական տվյալների հասանելիությունը կամ Անձնական տվյալների մշակումը սահմանափակված կլինի միայն Մեր կողմից հստակորեն լիազորված անձանց շրջանակով:

ՀՀ օրենսդրությամբ նախատեսված դեպքերում և կարգով, ինչպես նաև երրորդ անձանց և SSB academy-ի միջև կնքված պայմանագրերի (աուդիտորական, խորհրդատվական, ծառայությունների մատուցման, ապահովագրության պայմանագրերի կնքման, գովազդային և այլ նպատակներով) համաձայն Ձեր անձնական տվյալները կարող են փոխանցվել երրորդ անձանց, կամ վերջիններիս կարող է տրամադրվել հնարավորություն օգտվելու այդ տվյալներից: Անձնական տվյալները մշակվելու են տվյալներ մշակելու նպատակներն իրականացնելու համար օբյեկտիվորեն անհրաժեշտ ժամկետով:

Դուք պարտավորվում եք Մեր պահանջով տրամադրել այլ անհրաժեշտ անձնական տվյալներ, իսկ տվյալների փոփոխության դեպքում պարտավորվում եք ոչ ուշ քան 3 աշխատանքային օրերի ընթացքում մեզ հայտնել այդ մասին:

Սույնով Դուք հավաստում եք, որ ծանուցվել եք Մեր կողմից Ձեր տվյալների մշակման մտադրության մասին, չեք առարկում և տալիս եք Ձեր համաձայնությունը Պայմանագրի համաձայն մշակելու Ձեր վերաբերյալ ցանկացած անձնական տվյալ:

Դուք հավաստում եք, որ մեզ երրորդ անձանց անձնական տվյալների տրամադրման համար այդ կապակցությամբ ստացել եք նրանց համաձայնությունը:

Դուք հավաստում եք, որ տրամադրել է և հետագայում կտրամադրեք ամբողջական, արժանահավատ և ճշգրիտ տեղեկատվություն, լիակատար պատասխանատվություն եք կրում տրամադրված տեղեկատվության ճշգրտության և ամբողջականության համար:

8. Հաղորդակցություն

Հրապարակային պայմանագրով այլ բան նախատեսված չլինելու դեպքում Հրապարակային պայմանագրի շրջանակներում բոլոր ծանուցումները, հաղորդակցումը կարող են կատարվել էլեկտրոնային եղանակով՝ Ձեր կողմից տրամադրված էլեկտրոնային փոստի, Կայքի, մեր Facebook-յան կամ Instagram-յան էջերի, Ձեր հետ կոմունիկացիայի պահպանման համար նախօրոք սահմանված հատուկ հարթակների միջոցով (օրինակ Telegram բոտի, խմբի, կամ աջակցման կենտրոնի միջոցով), որը համարվում է պատշաճ ծանուցում:

Տեխնիկական առանձնահատկություններից ելնելով՝ SSB Academy-ն չի կարող երաշխավորել էլեկտրոնային փոստի հասցեով, բջջային հեռախոսահամարով կամ այլ էլեկտրոնային կոմուիկացիոն միջոցով ուղարկված հաղորդագրությունների ստացումը Օգտատիրոջ կողմից:

9. Եզրափակիչ դրույթներ

Սույն պայմանների կապակցությամբ ծագած վեճերը պայմանագրի կողմերից որևի մեկի կողմից չեն կարող հրապարակվել մինչ դրանց լուծումը: Վեճերը լուծվում են բանակցությունների միջոցով։ Համաձայնություն ձեռք չբերելու դեպքում վեճերը լուծվում են ՀՀ օրենսդրությամբ սահմանված կարգով։

SSB Academy-ին պատասխանատվություն չի կրում Կայքում Գործընկերոջ կամ Ծառայություններ մատուցող երրորդ անձի կողմից ներկայացված Ապրանքի և/կամ Ծառայությունների երաշխիքային պարտավորությունների համար:

SSB Academy-ին պատասխանատվություն է կրում Ծառայությունների և/կամ ապրանքների մատուցման ժամկետների համար և պարտավորվում է կատարել առավելագույնն իր կողմից նշված ժամկետների մեջ կամ դրանից շուտ Ծառայությունները և/կամ Ապրանքները մատուցելու համար:

Բողոքների առկայության դեպքում կարող եք Կապ հաստատել Մեզ հետ՝ համաձայն Կայքի՝ «Հետադարձ կապ» բաժնում տեղադրված փոստային և էլեկտրոնային հասցեների կամ նշված այլ էլեկտրոնային միջոցների միջոցով:

Ակցիային կամ հատուկ առաջարկներին վերաբերող ցանկացած տեղեկատվություն, որ տեղադրված է Կայքում տրամադրված է Ծառայություններ մատուցող անձի կողմից, և բոլոր փոփոխությունները համաձայնեցվում են SSB Academy-ի հետ:

Ծառայությունների կամ Ակցիայի չկայացման դեպքում պայմանագրային հարաբերությունը ավարտվում է Ձեր հաշվեկշռին դրամական միջոցների վերադարձմամբ:

SSB Academy-ը պատասխանատու է Ծառայությունների մատուցման հետ կապված վնասի համար միայն և առավելագույնը Ձեր կողմից վճարված գումարի չափով:

Ներկայացուցիչը կամ ցանկացած այլ իրավաբանական կամ ֆիզիկական անձ, որը ներգրավված է Կայքի բովանդակության ստեղծմանը, ներառյալ ծրագրային և տեխնիկական ապահովումը, տեխնիկական անսարքությունները, պատասխանատու չեն որևէ վնասի` այդ թվում ուղղակի, անուղղակի, պատահական և դիտավորությամբ և այլ կարգի վնասների համար, որոնք կծագեն Կայքի օգտագործումից կամ օգտագործման կարգի չիմացությունից:

Սույն պայմանագրով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության արդյունք, որը ծագել է Հրապարակային պայմանագիրը կնքելուց հետո, և որը կողմերը չէին կարող կանխատեսել կամ կանխարգելակել: Այդպիսի իրավիճակներն են` երկրաշարժը, ջրհեղեղը, պատերազմը, ռազմական և արտակարգ դրություն հայտարարելը, քաղաքական հուզումները, գործադուլները, հաղորդակցության միջոցների աշխատանքի դադարեցումը, պետական մարմինների կողմից ընդունված ակտերը և այլն, որոնք անհնարին են դարձնում պայմանագրով սահմանված պարտավորությունների կատարումը: Եթե արտակարգ ուժի ազդեցությունը շարունակվում է 3 /երեք/ ամսից ավելի, ապա պայմանագրի կողմերից յուրաքանչյուրն իրավունք ունի լուծել Հրապարակային պայմանագիրը` այդ մասին նախապես տեղյակ պահելով մյուս կողմին:

Պայմանագրով չկարգավորված հարցերը կարգավորվում են SSB Academy-ի պաշտոնական կայքով նախատեսված դրույթներով, իսկ այդպիսի դրույթների բացակայության դեպքում` ՀՀ օրենսդրությամբ սահմանված կարգով:
Պայմանագիրն էլեկտրոնային տեսքով կնքելը իր իրավաբանական հետևանքներով հավասարեցվում է SSB Academy-ի և Ձեր ստորագրությամբ գրավոր փաստաթուղթ կազմելու միջոցով պայմանագիր կնքելու իրավաբանական հետևանքներին:

Համակարգում բոլոր ծառայությունների մատուցման կարգը և ժամկետները տեղադրված են Կայքում:

Պայմանագիրն ուժի մեջ է մտնում Օգտատիրոջ՝ Կայքում գրանցման, պատվերի և նախատեսված վճարը կամ դրա մի մասը, այդ թվում կանխավճարը կատարելու պահից:

Կողմերից յուրաքանչյուրն իրավունք ունի դադարեցնել Հրապարակային պայմանագիրը` այդ մասին մյուս Կողմին 15 /տասնհինգ օր/ առաջ էլեկտրոնային ծանուցում ուղարկելու միջոցով, եթե փաստացի տեղի չի ունեցել ծառայությունների մատուցման մեկնարկ:

Ընկերության կոնտակտային տվյալները կարող եք տեսնել այստեղ։