Ամեն անգամ միջազգային որևէ խոշոր ընկերության անուն լսելիս ավտոմատ՝ ենթագիտակցական մակարդակով, սկսում ենք պատկերացնել տվյալ ընկերության լոգոտիպը, գովազդային հոլովակները, պաստառները, պրոդուկտները և առաջարկները։ Դա հենց բրենդինգն է՝ հասարակության մեջ ընկերության մասին ձևավորված կարծիքը, վերջինիս ինքնությունը:

Ուժեղ բրենդը կառուցվում է մարքեթոլոգների ինտենսիվ ջանքերով` հիմնված բիզնեսի պատմության, գաղափարափոխոսության, տեսլականի, նպատակների, գործունեության շուկայի, շուկայում դիրքի, մրցակցության և հաճախորդների խնդիրները լուծելու ունակության վրա:

Անձնական բրենդը ավելի շատ պատմություն է անհատ ձեռներեցների, մասնագետների, բլոգերների կամ ցանկացած այլ անհատի մասին: Հնարավոր է՝ հիմա Ձեզ անգամ հարևան քաղաքում կամ տարածքում չեն ճանաչում, բայց եթե ունենաք ուժեղ անձնական բրենդ, Ձեզ կհիշեն, Ձեզ խորհուրդ կտան ընտանիքի անդամներին և ընկերներին, կվերադառնան գնումներ կատարելու, Ձեր մասին հրապարակումներ կկատարեն իրենց սոցիալական ցանցերում։

Անձնական բրենդը ոչ միայն հայտնի անուն է, հագուստի ոճ կամ սոցցանցերում հետևորդների X քանակ: Առաջին հերթին դա այն զգացմունքներն ու հույզերն են, որոնք Դուք առաջացնում եք մարդկանց մեջ, այստեղ ամեն ինչ հիմնվում է էմոցիաների վրա:

Անհատի բրենդի ամենահայտնի սահմանումը տվել է Amazon-ի հիմնադիր Ջեֆ Բեզոսը․

«Անձնական բրենդն այն է, ինչ մարդիկ խոսում են քո մասին, երբ դու սենյակում չես»:

Լավ նորությունն այն է, որ Դուք կարող եք ազդել այդ խոսակցությունների վրա, եթե հստակ գիտեք, թե ինչ եք Ձեզնից ներկայացնում (ինչ կարող եք առաջարկել մարդկանց) և ինչպես կարող եք դա օգտագործել:

Նշենք նար, որ այսօրվա աշխարհում անձնական բրենդինգը դարձել է ավելի կարևոր, քան երբևէ: Այն դուրս է գալիս զուտ առցանց ներկայությունից և ներառում է մարդկանց ընկալումը ձեր մասին՝ ձեր հեղինակությունը, արժեքները, փորձառությունը և եզակի հատկությունները: Անձնական բրենդինգը նպատակաուղղված է ձեր անձի ընկալման նպատակուղղված ձևավորմանը և այդ ընկալման կիրառման մասին՝ ձեր անձնական և մասնագիտական նպատակներին հասնելու համար:

Անձնական բրենդինգը ձեր իսկական եսը աշխարհին ցուցադրելու արվեստն է՝ գիտակցաբար ձևավորելով այն ընկալումները, դիրքը, որը ցանկանում եք հասցնել լսարանին: Այն ներառում է ձեր եզակի հատկանիշների, ուժեղ կողմերի և արժեքների սահմանումը, այնուհետև դրանց հետևողականորեն հաղորդակցումը տարբեր ուղիներով: Դրանով դուք ստեղծում եք հստակ անհատական բրենդ։

Ինչի՞ վրա է հիմնված անձնական բրենդը

Յուրաքանչյուր անձնական բրենդ հիմնված երեք կետի վրա`
պրոֆեսիոնալիզմ, ժողովրդականություն և հեղինակություն:

Առաջինը գալիս է փորձով և կախված է միայն Ձեր զարգացման մեջ Ձեր անձնական ներդրումներից: Բայց ժողովրդականությունն ու հեղինակությունը արտաքին ռեսուրսներ են, որոնք կարելի է ձեռք բերել, եթե մշակեք արդյունավետ ռազմավարություն անձնական բրենդի խթանման համար և հետևեք դրան:

Անհատական բրենդը հենց այնպես չի հայտնվում․ այն ներդրումների կարիք ունի՝ շրջապատող մարդկանց Ձեր գիտելիքներով, գաղափարներով և ոգեշնչումներով կիսելու ցանկության տեսքով: Կարող եք մեկ ոլորտ ընտրել և մասնագիտանալ այնտեղ։

Հանրաճանաչությունը գալիս է այն ժամանակ, երբ Դուք արդեն ինչ-որ բանի հասել եք, և Ձեր անունը կապվում է Ձեր գործունեության հետ: Այդ դեպքում մարդը կարիք չունի Ձեզ անձամբ ճանաչելու, որպեսզի ինչ-որ մեկին առաջարկի Ձեր ծառայությունները:

Հեղինակությունը դժվար է ձեռք բերել, բայց և հեշտ է կորցնել: Չի կարելի մեկ գիշերվա ընթացքում ստիպել մարդկանց մոռանալ Ձեր բաց թողումներն ու կոպիտ սխալները: Եթե մտադիր չեք ցնցել հասարակությանը, ապա հեղինակությունն առաջին բանն է, որի մասին պետք է հոգ տանել:

Անձնական բրենդինգի առավելություններն ու թերությունները

Անձնական բրենդը հաճախորդներին գրավելու և պահելու շատ պարզ միջոց է թվում, բայց ինչպես ցանկացած մարքեթինգային գործիք, այն ունի իր առավելություններն ու թերությունները:

Առավելությունները․

• Բարձրացնում է մրցունակությունը:
• Բարձրացնում է տեղեկացվածությունը:
• Թույլ է տալիս բարձրացնել Ձեր հավատարիմ հաճախորդների բազան:
• Ապահովում է օրգանիկ գովազդ գոհ հաճախորդների միջոցով:
• Օգնում է տեսնել զարգացման ամենահաջող վեկտորը:

Թերությունները․

• Այն Ձեզ առավել ինտենսիվ է տանում է դեպի մեդիա տարածք, որտեղ կարող եք բախվել քննադատության և բացասական հսկայական ալիքի:
• Չպահանջված պրոդուկտի կամ ծառայության շուրջ կառուցված բրենդը վատնում է շատ ռեսուրսներ:
• Անձնական բրենդ կառուցելու համար հարկավոր է տիրապետել մարքեթինգին կամ համագործակցել համապատասխան մասնագետների հետ և ստեղծել գրավիչ քոնթենթ, որը ենթադրում է ժամանակի, գումարի և այլ ռեսուրսների ներդրում:

Ինչպե՞ս ստեղծել անձնական բրենդ

Անձնական բրենդինգը պարզ բան է թվում։ Բայց երբ սկսեք գործի անցնել, կտեսնեք, որ այն բաղկացած է շատ տարբեր կոմպոնտենտներ, որոնք պահանջում են տարբեր մոտեցումներ և տարբեր հմտություններ:

և հիշե՛ք այսօրվա մրցակցային պայմաններում անհատական բրենդինգն այլևս շքեղություն չէ. դա անհրաժեշտություն է:

Եթե ցանկանում եք ավելին իմանալ անձնական բրենդինգի դիրքավորման մասին, այս գրքերի ցանկը օգտակար կլինի Ձեզ համար: Դրանք բավականին պարզ են, հեշտ ընկալելի այն մարդկանց համար, ովքեր հեռու են մարքեթինգից։

• Игорь Манн «Номер 1. Как стать лучшим в том, что ты делаешь»
• Екатерина Кононова. «Личный бренд с нуля. Как заполучить признание, популярность, славу, когда ты ничего не знаешь о персональном PR»
• Томас Питерс. «Преврати себя в бренд! 50 верных способов перестать быть посредственностью»
• Мария Азаренок, Екатерина Азизова «Активируй свой персональный бренд».
• Максим Ильяхов «Бизнес без MBA».